Roel (Iete) Slofstra (Swartemar, 19 febrewaris 1939) is de soan fan Jan Slofstra. Hy begûn in stúdzje oan de Keninklike akademy foar byldzjende keunsten. Letter studearre hy oan it Keninklik Konservatoarium yn De Haach.
Yn 1969 ferhûze hy werom nei Fryslân en starte dêr syn karjêre as Frysktalige trûbadoer. Hy begeliedt himsels mar lit him ek gauris troch Wilco Tukker op gitaar begeliede. Roel Slofstra trede net allinnich mar op yn Nederlân mar ek yn Dútslân en Belzenlân. Dêrby wurke hy ek gear mei de Flaamske groep 't Kliekske. Slofstra brûkte in soad teksten fan dichters (û.o. Fedde Schurer, Sybe Krol, Baukje Wytsma en David Hartsema) en folkslieten. De muzyk fan syn lieten is ûnder mear makke troch Louise Godin, Jan Slofstra en himsels. Slofstra song ek tegearre mei Maaike de Wilde.
De kompakt skiven fan Roel Slofstra
Roel Slofstra hat bydragen levere oan ûndersteande skiven.
|
