De Bogerman Bigband is it skoalorkest fan scholengemeenschap Bogerman út Snits. Elk jier soargje Anne Oosterhaven en Bob Pruiksma foar in groep muzikanten, dy't de swingende reputaasje fan de Bogerman Bigband útdrage en fersterkje kin. Jonge minsken, allegear learling fan it Bogermankolleezje, wurde mei ferskate stylen fan bigbandmuzyk konfrontearre, lykas swing, rock en funk.
Neist in grut tal optredens yn Nederlân hat de Bogerman Bigband al ferskate bûtenlânske toernees makke. Sa waard al optreden yn Denemarken, Belzenlân, Dútslân, Ingelân, Frankryk, Noarwegen en Luksemburch. Ek wurke de bigband mei oan ferskate projekten, lykas de Friese Theaterkaravaan, musicalproduksjes en it spesjaal foar de bigband opsette jazz-house-projekt.
Yn 1991 wûn de Bogerman Bigband de publykspriis by de Nationale Onderwijsprijs. Yn it foarjier fan 2002 waard de Bogerman Bigband - yn de kategoary jazzmuziek - útroppen ta 1e priiswinnaar yn de nasjonale finale fan it Prinses Christina Concours yn De Haach. Yn 2004 waard dizze prestaasje oppenij levere en presintearre de bigband de dual-box 'Funkin' de blues/20 jaar in concert', mei dêryn in ks en in dfd.
De bigband makket gebrûk fan in folslein ynstrumintarium en lûdsapparatuur, dy't troch de skoalle foar de bigband oanskaft wurden binne. Anne Oosterhaven is dosint muzyk oan de schoalle en muzikaal lieder fan de bigband. Bob Pruiksma is dosint wiskunde en bassist yn de bigband.
De Bogerman Bigband is elk kursusjier opnij te hearren en te sjen op in grut tal optredens, fan festivals oant bedriuwsfeesten, fan iepenloftkonserten tot alle soarten fan Iepen Dagen. De band stiet foar spetterjende konserten en muzikaal swingende optredens.
De kompakt skiven fan Bogerman Bigband
Bogerman Bigband hat bydragen levere oan ûndersteande skiven.
|
