 Tsjoch - in priuwke (1992) |
Foar 1975 waard de folksmuzyk yn Fryslân droegen troch mar inkelde spylders. It wie in smelle en brekbere basis. Om dy basis te ferbreedzjen en de folksmuzyk, yn wat foar foarm dan ek, in kâns te jaan by in breder publyk, is de feriening Tsjoch oprjochte. De doelstelling wie al it oanwêzige muzikale talint te bondeljen en in poadium te bieden. Mar sûnder meiwurking fan it publyk soe dy opset net slagje. Dat poadium bestiet ûnder oaren út it jierlikse Tsjochfestival yn 'e neisimmer dêr't omraken spile en dûnse wurdt. De ks dy't jo no yn hannen hawwe jout in part fan it repertoire fan wat yn Fryslân him presintearret as folksmuzyk. De oanwinnende belangstelling fan it publyk foar de aktiviteiten fan Tsjoch mei sjoen wurde as in sukses fan de spylders. It docht ek bliken dat har wurk troch de harkers tige op priis steld wurdt. Want harkers en spylders, hja kinne net sûnder inoarren. Wat soe der fan in folk oerbliuwe as it sûnder muzyk en poëzy troch de tiid moast? Poëzy en muzyk jouwe glâns en krêft oan it bestean. En allinnich mei dit foar eagen te hâlden sil Tsjoch meidwaan kinne yn Europeesk ferbân.
Dizze skiif kinne wy op dit stuit net leverje.
Op de kompakt skiif Tsjoch - in priuwke fine jo ûndersteande nûmers. Wolle jo mear ynformaasje oer de artysten, klik dan op in artystenamme. Troch op it nûmer te klikken kinne jo sjen wa't in selde titel opnaam hat en op hokker skiif dit nûmer stiet. Wannear't der foar in nûmer in blau pylkje stiet kinne jo dêr op klikke om in fragmint te hearren fan it nûmer.
|
