It debútalbum fan Grytsje Kingma. Yn 'e rin fan 2009 hat Grytsje ferskillende lieten opnommen by Dirk Overwijk, dy't in lûdsstudio hat. Earst wie dat bedoeld as demo-skiif, en mar al geandewei, doe't der mear teksten en lieten kamen, waard dúdlik dat hjir wolris in echte CD makke wurde koe. Sa binne der no 15 lieten opnommen, der is tige wurke oan fariaasje yn arranzjeminten en ferskaat yn opbou fan de muzyk. Grytsje skriuwt harklietsjes oer ferskillende ûnderwerpen, dy't faak tige werkenber binne of krekt in gefoelige snaar reitsje. Njonken de sang en it gitaarspyljen fan Grytsje spylje hjir en dêr ek oaren mei: Rob du Jardin mei fioele en altfioele, Wil van Eekeren mei blokfluit, toetsen en fokale effekten, Dirk Overwijk mei effekten (synthesizer) en eftergrûnsang. De skiif is útkommen op 15 maaie en is yn eigen behear útjûn mar fansels kin de Fryske Winkel de skiif ek leverje.
€ 16,49
Op de kompakt skiif Wjerlûd fine jo ûndersteande nûmers. Wolle jo mear ynformaasje oer de artysten, klik dan op in artystenamme. Troch op it nûmer te klikken kinne jo sjen wa't in selde titel opnaam hat en op hokker skiif dit nûmer stiet. Wannear't der foar in nûmer in blau pylkje stiet kinne jo dêr op klikke om in fragmint te hearren fan it nûmer.
|
Wjerlûd (2010)